Ijito Herriaren Eguna bihar ospatzen da Euskal Herrian. Horren
harira, San Telmok eta Gipuzkoaren Etorkizunerako Ijitoen Elkarteak
(Agifugi) euren historiari buruzko jardunaldia hartuko du gaur.
Jardunaldia 18:30ean hasiko da. Hasteko, Ijito Oroimena: Gerra Zibila eta Diktadura Euskal Herrian dokumentala proiektatuko dute. Ondoren, 19:00etatik aurrera, Agifugi elkarteko kideek Ijito Herriaren historia eta kultura Euskal Herrian tituluko hitzaldia eskainiko dute (gaztelaniaz).
GAUR elkarte horretako lau kiderekin izan da: Rafa
Gimenezekin, David Martinekin, Olga Herrera Lucasekin eta Antonio
Gimenezekin. Euren lanaren nondik norakoak izan dituzte hizpide, egin
dituzten dokumentala eta komikia, lan ildoak… eta nola ez, ijitoek bizi
duten bazterkeria. Guztiek argi dute gainontzeko herriak ez direla izan
justuak ijitoekin, eta hori aldatzeko lanean ari dira
http://www.youtube.com/watch?v=d9PlR8xXlB0
iruzkinik ez:
Argitaratu iruzkina