Bi aste iraungo du edukiontziak jartzeko kanpainak. 110 ontzi jarriko dituzte, guztira, hirian eta horietatik 28 izango dira egokituak. Edozein momentuan atera ahal izango dute olioa donostiarrek.
Ekimenaren helburua bi urtetan 368.000 olio litro biltzea da. Donostiar bakoitzeko, bi litro. Udalak olioa birziklatzera animatu ditu donostiarrak: “Hhala, birziklatzeko bidean beste pauso bat emango dugu denok elkarrekin”.
Edukiontziak Ekogras enpresak jarriko ditu eta Udalarentzat ez du izango kosturik zerbitzua eskaintzeak. Izan ere, biltzen duen olioa biodiesela sortzeko erabiliko du Ekograsek, eta hortik finantzatu du zerbitzua.
Bi urratsetan, birziklatu
Ohikoa izaten da erabilitako olioa tutuetatik edo errefusara botatzea. Baina jokaera horrek hainbat arazo sortzen ditu, baita kutsadura ere. Olioa birziklatuz gero, baina, biodiesela egiteko lehengaia lortzen da. Biodiesela, diesela baino askoz erregai garbiagoa da eta gutxiago kutsatzen du.Erabilitako olioa birziklatzea erraza da. Hoztu ondoren, olioa ontzietan sartu behar da, botila batean, esaterako. Ondoren, botila hori edukiontzi laranjan sartu besterik ez da egin behar.
Informazio gehiago, Udalak prestatu duen aurkezpenean.
Iturria: Donostia Gaur
iruzkinik ez:
Argitaratu iruzkina