San Bartolome muinoko lanak direla eta, Easoa kalea guztiz itxita
egongo da, larunbatean. Bainu etxe zaharraren atzealdeko ezponda
egonkortzeko lanak egingo dituzte, eta induskatu bitartean, kalera
hondakinak erortzeko arriskua dago.
Hortaz, Easo kalea erabat moztuta egongo da ibilgailuentzat, Mendeurrenaren plazatik hasi eta Aldapetarainoko zatian. Dena dela, mozketa goizeko 8:00etatik 11:00etara izango da soilik.
Oinezkoek ere ezingo dute pasa Larramendi eta Urdaneta kaleen
artetik; Musika Kontserbatoriora, Donostia 2016ko bulegoetara edo
Udaltzaingora ez bada.
Easo kaletik ibiltzen diren Dbus-eko autobusek bere ibilbidea aldatuko dute
eta Gernikako Arbola pasealekuan geldituko dira. Horrenbestez, ordu
horietan zehar, 21, 26, 28, 32 eta 37 lineak ez dira geldituko Easo eta
San Martin kaleko geltokietan eta, behin-behinean, Gernikako Arbola
pasealekuko hiru geltokietan geldituko dira: Mundaizeko zubian,
Mendeurren plazan eta Maria Cristina zubian.
iruzkinik ez:
Argitaratu iruzkina