AMARA BERRIKO KROSA, EUSKARAREN ALDE!

Amara Berriko euskararen aldeko krossa (ABkrossa) 2014an ospatu genuen lehenbizikoz, kirolaren bitartez auzoan euskara sustatzeko asmoz. Helburua aldi berean adin eta gustu ezberdinetako jendea batzea izan da hasiera-hasieratik, giroa lasterketa unera soilik mugatu gabe.

Hori dela eta, 2015eko edizio honetan eskaintza zabaltzeko asmoa dugu: umeentzako korrikaldi zein animazioa, zuzeneko kontzertuak… Hau guztia korrikalariez gain hurbiltzen den orok ere giro apartaz goza dezan.

Aurten gainera, egunean bildutako diru guztia euskararen aldeko proiektuetara bideratuko da.

Badakizu, ekainaren 27an nahi izanez gero, baduzu plana!!!

Informazio gehiago:  http://abkrossa.eus


 

I. AMARA BERRIKO EUSKARAREN KROSA, SPOTA

EUSKARAREN ALDEKO KROSA AMARA BERRIN

Amara Berriko Jai Herrikoien batzordearen izenean idazten dizugu antolatu dugun euskararen aldeko krossaren berri emateko. Lasterketa ekainaren 7an, larunbata, antolatu dugu. Zergatik? Guk jaiak urrian antolatzen ditugun arren, oraintxe hasten direlako Donostiako auzoetako festak, eta festa horietan, zerbait garrantzitsua bada, hizkuntzaren aldarria eta gozamena direlako. Hori dela eta, gure aportaziotxoa egin nahiean, udaldi hasieran aisialdia, aldarrikapena eta hizkuntza uztartuz ekimentxo bat antolatzea pentsatu genuen. Horra hor, krossaren aurretiko nondik norakoak!

Bestalde, krossa ilunzean antolatuko dugu; arratsaldeko 19:30etan prebostes plazatik (Ikasbide kultur elkarteko plazatik) hasiko da lasterketa, Amara Berrin zehar 6 km egin eta plaza berera itzuliko da. Parte hartzaileek 5 euro ordaindu beharko dituzte  web orri honetan http://www.herrikrossa.com/RealizarInscripcione.asp aurrez apuntatuz gero, bestela, 8 euro balioko du dortsalak plazan egunean bertan. 

Esan bezala, "Euskara ahoan. Oinak auzoan. Euskara auzotik auzoarentzat" lemapean egingo dugun krossaren bultzatzaile nagusiak gu gara, nahiz eta auzoko euskara batzordearen izenean antolatu dugun. 

Ekimen honen bitartez lortu nahi dugu euskararen aldarria auzo osora iristea. Horretarako, ordea, zure laguntza behar dugu. Beraz,  animatu nahi zaitugu krossean korrika egitera edo egunean antolakuntzan laguntzera. Korrika egitea aukeratuz gero, eskertuko genizuke ahal duzunean apuntatzea, eta antolakuntzan laguntzea erabakiz gero, mezu honi erantzutea.

Horretaz gain, laguntza handia litzateke, euskararen aldeko krossa zuen inguruan zehar zabalduko bazenute!